Testi i programeve të studimit është i ndërtuar në bazë të disa pohimeve/mohimeve dhe 4 niveleve të interesit, ku përdoruesi është i lirë të zgjedhë. Këto pohime/mohime të krijuara nga profesionistë marin vlerën e caktuar kur ju i përgjigjeni 4 opsioneve të mëposhtme (Nivelet e Interesit):

1. Shumë i interesuar
2. I interesuar
3. Pak i Interesuar
4. Aspak i Interesuar

Me anë të këtij testi, Eduaktiv, ju mundëson eksplorimin e programeve të studimit apo mundësive të karrierës në përshtatshmëri me personalitetin, dëshirat dhe vlerat tuaja.

Kujt i shërben ky test?

Testi i programeve të studimit është krijuar veçanërisht për nxënësit e Shkollave 9 Vjeçare, Shkollave të Mesme, por edhe për ata studentë të cilët ende nuk jane përshtatur me programin e zgjedhur të studimit.

Duke ju përgjigjur me kujdes dhe në mënyrë të sinqertë të gjitha pyetjeve të testit, Eduaktiv, ju sugjeron Fushën e Studimit dhe rrjedhimisht edhe profesionin në të cilin ju përshtateni më së miri, pa lënë mënjanë vlerësimin e dëshirave dhe vlerave tuaja. Pas marjes së rezultatit nga ky test është e nevojshme një këshillim me mesuesit, prindërit apo edhe me persona të specializuar të këshillimit të karrierës. Ky test mund të plotësohet nga vetë nxënësit apo studentët, por ne sugjerojmë edhe praninë e mësuesit apo prindit.

Përse të shërben ky test?

Plotësimi me sukses i këtij testi ju nevojitet për të zbuluar interesat tuaja të studimit dhe karrierës, por është e domosdoshme që hulumtimet për të zgjedhur një program studimi duhet të jenë të vazhdueshme, dhe të mos mjaftoheni vetëm në rezultatet e këtij testi.

Shënime për mësuesit

Ky test mund të përdoret FALAS nga çdo mësues i Shkollave 9 Vjecare apo Shkollave të Mesme për të njohur më mirë prirjet, dëshirat dhe vlerat e nxënësve të tyre. Në bazë të rezultateve të këtij testi mësuesi mbikqyrës mund të ndërtojë diskutime dhe japë sugjerime tek nxënësit. Theksojmë se ky test nuk përcakton në formë të prerë prirjen apo pershtatjen e nxënësit me programet e studimit apo me profesionin. Hulumtimet e mëtejshme janë të domosdoshme.

Përgjigjet në këtë test duhet të jenë sa më të sinqerta. Në këtë test nuk ka pyetje, ai përbëhet nga pohime dhe mohime, ku rrjedhimisht nxënësit/studentit i kërkohet të zgjedhë vetëm nivelin e interesit.